Tréithe an Láithreáin

Ligeann WOW d’úsáideoirí sonraí a chur ar fáil maidir le roinnt tréithe a chabhraíonn le húsáideoirí eile WOW agus an Oifig Meitéareolaíochta an timpeallacht máguaird a thuiscint. Tiomsaítear na tréithe sin bunaithe ar scéimeanna grádaithe láithreán arna n-úsáid ag Nasc na mBreathnóirí Clíomeolaíochta, an Eagraíocht Meitéareolaíochta Dhomhanda agus an Oifig Meitéareolaíochta.

Oscailteacht
Tomhais ar theocht aeir
Tomhais ar bháisteach
Tomhais ar ghaoth
Limistéar Aeráide Uirbigh
Uaireanta Tuairiscithe

Úsáidtear Tréithe an Láithreáin seo chun Rátáil an Láithreáin a ríomh

Oscailteacht

5: Oscailteacht an-fhairsing ar fad: gan bac ar bith laistigh de 10a nó níos mó de na gléasanna teochta nó báistí.
4: Oscailteacht fhairsing: an chuid is mó de bhaic/foirgnimh théite 5a nó níos mó ó na gléasanna báistí; gan bac ar bith laistigh de 2a.
3: Gnáthoscailteacht: gan aon bhac suntasach nó foirgneamh téite laistigh de 2a de ghléasanna teochta ná gléasanna báistí.
2: Oscailteacht srianta: an chuid is mó de bhaic/foirgnimh théite >2a nó níos mó ó na gléasanna báistí; gan bac ar bith laistigh de 1a.
1: Oscailteacht chosanta: baic shuntasacha nó foirgneamh téite laistigh de 1a de ghléasanna teochta ná gléasanna báistí.
0: Oscailteacht an-chosanta ar fad: cuireann baic ar an láithreán nó oscailteacht na braiteoirí isteach go mór ar an oscailteacht don ghrian, don ghaoth, don bháisteach.
D: Láithreán Dín: Nuair is féidir, ba cheart láithreáin ar díon a sheachaint le haghaidh braiteoirí teochta agus báistí.
T: Láithreán Tráchta: trealamh suite in aice le mórbhealach poiblí
U: Oscailteacht anaithnid nó gan a bheith luaite.

Baineann na rátálacha oscailteachta le láithreán na ngléasanna teochta agus báistí amháin agus b’fhearr iad a bheith ag leibhéal na talún. Is fearr braiteoirí le haghaidh na gréine agus luas na gaoithe, etc. a lonnú in áit chomh hoscailte agus is féidir agus b’fhearr iad a chur ar díon nó ar chrann más féidir.

Tá na treoirlínte maidir le hoscailteacht bunaithe ar iolrú d’airde (a) an bhaic os cionn an bhraiteora; is éard atá sa chaighdeán ná achar íosta den airde X 2. Mar sin, i gcás méadair baistí ag 30cm os cionn na talún, ba cheart d’fhoirgneamh atá 5m ar airde a bheith 9.4m ar a laghad (5m lúide O.3m, x 2), agus ba cheart d’fhoirgneamh atá 10m ar airde a bheith 17m ar a laghad ó scáileán teirmiméadair (10m lúide 1.5m, x 2)

Tomhais ar theocht aeir

A: Gléasanna caighdeánacha ar a bhfuil Scáileán Stevenson, calabraithe laistigh de 10 mbliana; rátáil íosta na hoscailteachta = 3.
B: Gléasanna caighdeánacha ar a bhfuil Scáileán Stevenson nó scáileán radaíochta ar Stáisiún Aimsire Uathoibríoch arna chur ar fáil ag an déantóir, calabraithe laistigh de 10 mbliana; oscailteacht an láithreáin = 2 agus 3.
C: Gléasanna caighdeánacha ar a bhfuil Scáileán Stevenson nó scáileán radaíochta ar Stáisiún Aimsire Uathoibríoch arna chur ar fáil ag an déantóir, oscailteacht an láithreáin = 1 nó níos ísle.
D: Gléasanna neamhchaighdeánacha agus/nó scáileán radaíochta neamhchaighdeánach agus/nó láithreán cosanta, oscailteacht an láithreáin = 1 nó níos ísle.
U: Gléasanna anaithnid nó gan a bheith luaite.
0: Ní dhéantar teocht an aeir a thomhas ag an láithreán seo.

Sa chomhthéacs seo, is éard atá i gceist le GLÉASANNA CAIGHDEÁNACHA ná: Teirmiméadair mearcair i ngloine arna gcalabrú nó braiteoirí teochta leictreonacha arna gcalabrú.

Tomhais ar bháisteach

A: Méadar báistí caighdeánach “cúig orlach” a léitear de láimh nó méadar báistí calabraithe ar a bhfuil buicéad claochlaithe, ag an airde caighdeánach os cionn na talún (30cm), rátáil íosta na hoscailteachta = 3.
B: Méadar báistí caighdeánach “cúig orlach” a léitear de láimh nó méadar báistí calabraithe ar a bhfuil buicéad claochlaithe, agus an sceimheal ag an airde caighdeánach os cionn na talún (30cm), rátáil íosta na hoscailteachta = 2 nó 3.
C: Méadar báistí caighdeánach “cúig orlach” a léitear de láimh nó méadar báistí ar a bhfuil buicéad claochlaithe, agus an sceimheal ag an airde caighdeánach os cionn na talún (30cm), oscailteacht = 1 nó níos ísle.
D: Méadar báistí neamhchaighdeánach agus/nó méadar báistí ar a bhfuil buicéad claochlaithe, oscailteacht = 1 nó níos lú.
U: Gléasanna anaithnid nó gan a bheith luaite.
0: Ní dhéantar báisteach a thomhas ag an láithreán seo.

Sa chomhthéacs seo, is éard atá i gceist le GLÉASANNA CAIGHDEÁNACHA ná: Méadar báistí patrún-chaighdeánach (patrún Snowdon nó Oifig Meitéareolaíoch Mk II) ''cúig-orlach'', tonnadóir domhain, sceimheal an mhéadair báistí suite ag 30cm os cionn leibhéal na talún, ag déanamh riachtanas íosta na hoscailteachta a chomhlíonadh, i.e. ar a laghad airde an bhaic X 2 amach ón mbac.

Tomhais ar ghaoth

A: Braiteoirí gaoithe calabraithe laistigh de 10 mbliana, suite 10m os cionn na talún ar chrann nó ar chuaille, gan bac ar bith laistigh de 100m.
B: Braiteoirí gaoithe suite os cionn na talún ar chrann nó ar chuaille, gan bac ar bith laistigh de 50m.
C: Braiteoirí gaoithe suite ar fhoirgneamh nó ar bhalla.
U: Gléasanna anaithnid nó gan a bheith luaite.
0: Ní dhéantar an ghaoth a thomhas ag an láithreán seo.

Innéacs Limistéir Aeráide Uirbigh

1: Zón uirbeach atá an-fhorbartha ina bhfuil foirgnimh ardéirí scoite cóngarach dá chéile agus cumhdra orthu, e.g. túir an ghnócheantair.
2: Zón uirbeach thar a bheith forbartha ina bhfuil foirgnimh 2 - 5 stór, ceangailte lena chéile nó an-chóngarach dá chéile, déanta as brící nó cloch go minic, e.g. seanlár na cathrach.
3: Zón uirbeach, an-fhorbartha, meándlúis le tithe sraithe nó tithe scoite, siopaí & árasáin an-chóngarach dá chéile e’g’ tithíocht uirbeach
4: Zón uirbeach an-fhorbartha, dlús íseal ina bhfuil foirgnimh mhóra ísle & páirceáil phábháilte, e.g. meal siopadóireachta, trádstórais.
5: Forbairt mheánach, dlús íseal bruachbhailteach ina bhfuil tithe 1 nó 2 stór, e.g. tithíocht bhruachbhailteach.
6: Úsáid mheasctha ina bhfuil foirgnimh mhóra i dtírdhreach oscailte, e.g. Institiúidí amhail ospidéal, ollscoil, aerfort.
7: Forbairt leath-thuaithe ina bhfuil tithe scaipthe i gceantar nádúrtha nó talmhaíochta , e.g. feirmeacha, eastáit.
U: Limistéir Aeráide Uirbigh anaithnid nó gan a bheith luaite.

Tuairiscí maidir le Limistéir Aeráide Uirbigh mar a shainmhíníonn an Eagraíocht Meitéareolaíocht Dhomhanda iad (WMO-No.8, Eagrán 8)

Uaireanta Tuairiscithe

A: Beidh sé mar aidhm i gcónaí tuairisc aimsire a chur ar fáil ar 09:00 ACG. Baineann luachanna teochta agus báistí laethúla leis an tréimhse chaighdeánach 24 uair an chloig ó mhaidin go maidin.
B: Beidh sé mar aidhm i gcónaí tuairisc aimsire a chur ar fáil idir 06:00 agus 09:00 ACG. Baineann luachanna teochta agus báistí laethúla leis an tréimhse chaighdeánach 24 uair an chloig ó mhaidin go maidin.
C: Baineann luachanna teochta agus báistí laethúla leis an tréimhse chaighdeánach 24 uair an chloig ó mheán-oíche go meán-oíche. Is é seo an réamhshocrú le haghaidh an chuid is mó de stáisiúin aimsire uathoibríocha.
D: Tá críoch-am an teochta aeir agus na báistí difriúil ná mar atá luaite ag A, B nó C thuas, nó ní bhaineann na luachanna is airde nó is ísle le tréimhsí 24 uair an chloig.
U: Uaireanta tuairiscithe anaithnid nó gan a bheith luaite.

Mar a ríomhtar rátálacha an láithreáin

Bronntar ‘rátáil láithreáin’ go huathoibríoch ar gach láithreán, bunaithe ar thréithe an láithreáin a iontráiltear nuair a cláraíodh an láithreán. Tá an córas bunaithe ar cháilíocht agus oscailteacht na sonraí teochta agus báistí:

5* = O5, T=A, B=A

4* = O>= 3, T=A, B=A

3* = O >= 3, T[=A,B nó C], B[=A,B nó C]

2* = O >= 1, T[=Méid ar bith], B[=Méid ar bith]

1* = O =0,1, D nó U, T[=Méid ar bith], B[=Méid ar bith]

(I gcás go bhfuil O= Oscailteacht, T = Teocht, agus B = Báisteach, agus tá cur síos déanta ar gach ceann díobh seo thuas).

Má thomhaistear teocht ag láithreán, gan báisteach a thomhas, beidh rátáil an láithreáin bunaithe ar cháilíocht agus oscailteacht an sonraí teochta amháin. Má thomhaistear báisteach ag láithreáin, gan teocht a thomhas, beidh rátáil an láithreáin bunaithe ar cháilíocht agus oscailteacht an sonraí báistí amháin.

Mura dtugtar sonraí maidir le teocht ná báisteach, rangófar an láithreáin ag 1*